Most Visited of ဥပဒေ

မြန်မာဓလေ့ထုံးတမ်းဥပဒေ (ဦးမြစိန် (တရားလွှတ်တော်ရှေ့နေ)) (ဥပဒေ)

မြန်မာလူမျိုးတို့၏ သမိုင်းကြောင်းတစ်လျှောက်တွင် အဓွန့်ရှည်စွာ လက်ခံကျင့်သုံးခဲ့ကြသည့် ဓလေ့ထုံးတမ်းများကို အခြေခံပြီး ပေါက်ဖွားလသော လူမှုရေးဥပဒေဖြစ်သည့် မြန်မာဓလေ့ထုံးတမ်းဥပဒေ အပြည့်အစုံကို ဤစာအုပ်တွင် လေ့လာဖတ်ရှုကြရမည် ဖြစ်သည်။ မြန်မာဓလေ့ထုံးတမ်းဥပဒေနှင့် သက်ဆိုင်သည့် တိုင်းရင်းသားများနှင့် တိုင်းရင်းသားမဟုတ်သော်လည်း နိုင်ငံသားဖြစ်နေကြသူများအကြောင်း၊ ထိမ်းမြားလက်ထပ်ခြင်းနှင့် ပတ်သက်၍ လူမျိုးအသီးသီး ဘာသာအသီးသီးတို့၏ ပြဋ္ဌာန်းချက်များ၊ ထိန်းမြားခြင်းဆိုင်ရာ မှုခင်းများ၊ လင်နှင့် မယားတို့၏ ပစ္စည်းအကျိုးခံစာခွင့်များ၊ လင်မယား ကွာရှင်းခြင်းနှင့် ကွာရှင်းခွင့်၊ ကွာရှင်းရာတွင် ပစ္စည်းခွဲဝေပုံ၊ မွေးစားသားသမီးများနှင့် ပတ်သက်၍ ပြဋ္ဌာန်းချက်၊ အမွေဆက်ခံခြင်း အမျိုးမျိုးအကြောင်း၊ ဥပဒေနှင့်အညီ ပေးကမ်းပုံ၊ ရဟန်းတော်များနှင့် တရားစီရင်ရေးကဏ္ဍအကြောင်းတို့ကို ဥပဒေပြဋ္ဌာန်းချက်၊ စီရင်ထုံးများနှင့်အတူ ပြည့်ပြည့်စုံစုံ ရှင်းလင်းရေးသားထားသည်။

လူတိုင်းအတွက် အိမ်ခြံမြေ လမ်းညွှန် (ရောင်းနည်း၊ ဝယ်နည်း၊ ငှားရမ်းနည်း၊ အကျိုးဆောင်နည်း) (အတွဲ ၁) (ဇော်မြင့်ဦး (GEOG)) (ဥပဒေ, ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

မြန်မာနိုင်ငံ၏ ဈေးကွက် စီးပွားရေးစနစ်နှင့်အတူ ဖွံ့ဖြိုးတိုးတက်လာသော အိမ် ခြံ မြေ ရောင်းဝယ်မှု လုပ်ငန်းနှင့် ပတ်သက်၍ လက်ရှိ ပြဋ္ဌာန်းထားသော နည်းဥပဒေများနှင့်အညီ ရောင်း ဝယ် ငှားရမ်းနည်း၊ အကျိုးဆောင်နည်းများကို လမ်းညွှန်ပေးထားသော စာအုပ်ဖြစ်သည်။ အိမ် ခြံ မြေများကို ပြီးစလွယ် ရောင်းချခြင်း၊ မလေ့လာဘဲ ဝယ်ယူခြင်း၊ စနစ်တကျ ညှိနှိုင်းပြောဆိုမှု မရှိခြင်း၊ နှစ်ဦး နှစ်ဖက် လိုအပ်ချက်ကို အသေးစိတ်ကို ကြိုတင် သဘောတူညီချက် မရယူထားကြခြင်းတို့ကြောင့် နောက်ပိုင်းတွင် အရှုပ် အရှင်းများ ပေါ်ပေါက်လာတတ်ရာ ၎င်းပြဿနာများကို ရှောင်ရှားနိုင်ရန် ဤစာအုပ်က ကူညီပေးမည်ဖြစ်သည်။

ဖွဲ့စည်းပုံ အခြေခံဥပဒေ (၂၀၀၈ ခုနှစ်) (ပြည်ထောင်စုသမ္မတမြန်မာနိုင်ငံ) (ဥပဒေ)

နောက်ဆုံးပြဋ္ဌာန်းလိုက်သည့် အခြေခံဥပဒေမူကို အင်္ဂလိပ်မြန်မာ ၂ ဘာသာဖြင့် ထုတ်ဝေလိုက်ခြင်းဖြစ်သည်။ မြန်မာနိုင်ငံ အနာဂတ်အခြေခံဥပဒေ ပြဋ္ဌာန်းချက်များ၏ ခေါင်းစဉ်များကို စာမြည်းရန်တွင် ကြည့်ရှု၍ရပါသည်။ ယခင် ၂ဝဝ၈ ဆန္ဒခံယူပွဲမတိုင်ခင်က ထုတ်ဝေသောစာအုပ်မှာ မူကြမ်းဖြစ်ပြီး ယခုစာအုပ်မှာ နောက်ဆုံးအတည်ပြုပြဋ္ဌာန်းလိုက်သည့်မူ ဖြစ်ပါသည်။

တရားမကျင့်ထုံးဥပဒေ (အမိန့် ၁ မှ အမိန့် ၄၉ နှင့် တရားမကျင့်ထုံးဥပဒေကို ပြင်ဆင်သည့် ဥပဒေများ) (ကျော်မောင်မောင်) (ဥပဒေ)

တရားမကျင့်ထုံးဥပဒေကို ပြင်ဆင်သည့် အမိန့်ဥပဒေ ၁ မှ ၄၉ ထိကို အပြည့်အစုံ ရေးသားဖော်ပြပေးထားသော စာအုပ်ဖြစ်သည်။

အမွေမှုများ (မြန်မာနိုင်ငံ တရားစီရင်ထုံး ၁၉၇၄ - ၂၀၁၀) (ဦးအေးလွင် (တရားလွှတ်တော် ရှေ့နေ)) (ဥပဒေ)

၁၉၇၄ ခုနှစ်မှ ၂ဝ၁ဝ ခုနှစ်အထိ ဗဟိုတရားရုံးနှင့် နိုင်ငံတော် တရားရုံးချုပ်တို့မှ စီရင်ထုံးပြုခဲ့သည့် အမွေမှုများကို တစ်ပေါင်းတစ်စည်းတည်း လေ့လာကြရမည့် စာအုပ်ဖြစ်သည်။ မွေးစားသားသမီးများနှင့် တူ တူမများ ဘယ်သူ အမွေ ဆက်ခံခွင့်ရှိသလဲ၊ ခရစ်ယာန်ဘာသာဝင် အဘိုးအဘွားများ၏ အမွေ မြေးများ ရခွင့် ရှိ မရှိ၊ သားသမီးမရှိသည့် ဇနီးမောင်နှံတွင် လင်ဖြစ်သူ သေဆုံးခဲ့ပါက လင်၏ သြရသ အခွင့်အရေး မယားဖြစ်သူ အမွေတောင်းခွင့် ရှိ မရှိ၊ ပထွေးနှင့် မယားပါသမီးတို့ အမွေခွဲပုံ၊ လင်ပါသမီးနှင့် မယားပါသမီးတို့ အမွေခွဲပုံ၊ မိဘအမွေဆက်ခံခွင့် ဆုံးရှုံးနိုင်သူ၊ မယားပြိုင်အများရှိသူ ဖခင်၏ အမွေဝေစု၊ အမွေနှင့် ပတ်သက်သည့် ဟိန္ဒူဥပဒေပြဋ္ဌာန်းချက်အပါအဝင် အမှုပေါင်း ၃၈ မှု၏ အမှုအသွားအလာနှင့် တရားရုံးတော်၏ ဆုံးဖြတ်ချက်များကို ပြည့်ပြည့်စုံစုံ မှတ်တမ်းတင် ဖော်ပြထားသည်။

တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေအကြောင်း သိကောင်းစရာ (ဦးကျော်ဇေယျ) (ဥပဒေ)

တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေပြဋ္ဌာန်းချက် အပြည့်အစုံအပြင် ၎င်းနှင့် ပတ်သက်၍ မေးမြန်းတတ်သည်များကို အမေးအဖြေပုံစံဖြင့် ရှင်းလင်းရေးသားထားသော စာအုပ်ဖြစ်သည်။

သီးခြားသက်သာခွင့်အက်ဥပဒေ (The Specific Relief Act) (၁၉၇၅ ခုနှစ်မှ ၂၀၁၂ ခုနှစ်အထိ ထုတ်ဝေသည့် စီရင်ထုံးများ အနှစ်ချုပ်သုံးသပ်ချက်) (ဦးသိန်းကိုကို (ပြည်နယ်တရားလွှတ်တော်တရားသူကြီး)) (ဥပဒေ)

“သီးခြားသက်သာခွင့်အက်ဥပဒေ” မှုခင်းများနှင့် ပတ်သက်၍ ၁၉၇၅ ခုနှစ်မှ ၂ဝ၁၂ ခုနှစ်အထိ နှစ်အလိုက် ထွက်ပေါ်ခဲ့သော စီရင်ထုံးများ၏ အနှစ်ချုပ်သုံးသပ်ချက်များကို တစ်စုတစ်စည်းတည်း လေ့လာဖတ်ရှု ကိုးကားနိုင်ကြမည့် စာအုပ်ဖြစ်သည်။

မြန်မာ့ဓလေ့ထုံးတမ်းဥပဒေ လက်ထပ်ခြင်း ထိမ်းမြားခြင်း လင်မယား ကွာရှင်းပြတ်စဲရေးနှင့် ပစ္စည်းခန်းခွဲဝေရေး ဓမ္မသတ်နှင့် စီရင်ထုံးများ (ကျော်မောင်မောင်) (ဥပဒေ)

မြန်မာ့ဓလေ့ထုံးတမ်းဥပဒေ လက်ထပ်ခြင်း ထိမ်းမြားခြင်း လင်မယား ကွာရှင်းပြတ်စဲရေးနှင့် ပစ္စည်းခန်းခွဲဝေရေး ဓမ္မသတ်နှင့် စီရင်ထုံးများနှင့် ပတ်သက်၍ ဥပဒေရေးရာ သိကောင်းစရာများကို စီရင်ထုံးများနှင့်တကွ ရှင်းလင်းရေးသားထားသော စာအုပ်ဖြစ်သည်။

ဥပဒေသုတ၊ တရားမ (ဦးတင်ဝင်း (ညွှန်ကြားရေးမှူး - ငြိမ်း)) (ဥပဒေ)

ဥပဒေကို လေ့လာသူများအတွက် ဗဟုသုတဖြစ်ဖွယ်ရာများ၊ မှတ်သားဖွယ်ရာ အချက်အလက်များ၊ စီရင်ထုံးများအကြောင်းကို ဤစာအုပ်တွင် လေ့လာကြရမည်ဖြစ်သည်။အသိသက်သေ လက်မှတ်ရေးထိုးရန် လိုသော စာချုပ်များ၊ စာချက်ကို ယာယီမှတ်ပုံတင်ပြခြင်း၊ စာချုပ်ကို မှတ်ပုံတင်ခြင်း၊ မှတ်ပုံတင် စာချုပ်နောက်ကြောင်းပြန်ခြင်း၊ အပိုင်ပေးစာချုပ် ပျက်နိုင်သည့် အကြောင်းများ၊ ပျက်ပြယ်သော စာချုပ်နှင့် ဖျက်သိမ်းလိုက ဖျက်သိမ်းနိုင်သော စာချုပ်၊ စွန့်လွှတ်စာချုပ်၊ ကာလစည်းကမ်းသတ် အက်ဥပဒေ၊ အမွေထိန်းစာ၊ သေတမ်းစာ အတည်ပြုခြင်း၊ အိမ်ငှားထံပို့သော အကြောင်းကြားစာ၊ မြို့ပြအိမ်ငှားမှုခင်းများ၊ အစုစပ်လုပ်ငန်းများ၊ လက်ရောက်ရလိုမှု၊ လိမ်လည်လှည့်ဖြား၍ရသော ဒီကရီကို ပယ်ဖျက်ပေးစေလိုမှု၊ အမှုပုံစံများအကြောင်း၊ တရားဝင်ကိုယ်စားလှယ်ထည့်ခြင်းနှင့် အမှုရပ်စဲခြင်း၊ အယူခံခြင်း၊ အယူခံဝင်ခြင်းနှင့် မီးသေခြင်းအကြောင်းတို့ကို ဗဟုသုတဖြစ်ဖွယ် ရေးသားရှင်းလင်းထားသည်။

မြန်မာနိုင်ငံ ကုမ္ပဏီများ အက်ဥပဒေ (The Myanmar Companies Act) (အင်္ဂလိပ် + မြန်မာ) (ဦးကျော်ဇေယျ) (ဥပဒေ)

မြန်မာနိုင်ငံ ကုမ္ပဏီများ အက်ဥပဒေကို ၁၉၁၄ ခုနှစ် ဧပြီလ ၁ ရက်နေ့တွင် ပြဋ္ဌာန်းခဲ့ပြီးနောက် ၎င်းဥပဒေကို ပြင်ဆင်သည့် ဥပဒေကို အက်ဥပဒေ အမှတ် ၂၃/၅၅ ဖြင့် တစ်ကြိမ်၊ ဥပဒေအမှတ် ၄၈/၅၉ ဖြင့် တစ်ကြိမ်၊ ဥပဒေအမှတ် ၂/၈၉ဖြင့် တစ်ကြိမ်၊ ဥပဒေအမှတ် ၂/၉၁ဖြင့် တစ်ကြိမ် ပြင်ဆင်ခဲ့သည်။ ယခုစာအုပ်တွင် မြန်မာနိုင်ငံ ကုမ္ပဏီများ အက်ဥပဒေကို ပြင်ဆင်သည့် အက်ဥပဒေအမှတ် ၄၈/၅၉ အထိ ပြင်ဆင်အစားထိုးမှုများကို အပြည့်အစုံ ဖော်ပြထားသည်။ မြန်မာနိုင်ငံ ကုမ္ပဏီများ အက်ဥပဒေကို ပြင်ဆင်သည့် အက်ဥပဒေအမှတ် ၂/၈၉နှင့် မြန်မာနိုင်ငံ ကုမ္ပဏီများ အက်ဥပဒေကို ပြင်ဆင်သည့် ဥပဒေအမှတ် ၂/၉၁ တို့ကိုလည်း စာအုပ်နောက်ပိုင်းတွင် ပြင်ဆင်ချက်များအတိုင်း ဖော်ပြပေးထားသည်။